गणतन्त्रकै भविष्य संकटमा पर्दा पनि सेटिङमै रमाउँदै बिष्णु पौडेल, गभर्नर नियुक्तीमा मापदण्ड नै संशोधन
काठमाडौं । नेपालको इतिहासमा सबैभन्दा नीतिगत बिषयहरु संशोधन गरेर भ्रष्टाचारजन्य कार्य गर्ने सूचिमा रहेका उपप्रधान तथा अर्थमन्त्री बिष्णु पौडेलले हुँदा हुँदा गभर्नर नियुक्तीका लागि अर्थमन्त्रालयको सार्वजनिक नियुक्ती सम्बन्धी मापदण्ड नै संशोधन गरेर आफ्नो मान्छेलाई घुस सेटिङमा नियुक्त गर्ने बाटो खुल्ला गरेका छन् ।
संघीय लोकतान्त्रिक गणतन्त्रभित्रको संसदीय व्यवस्थामा दलका नेताहरुले चरम भ्रष्टाचार र बेथिती र लूटतन्त्र मच्चाएको भन्दै नयाँ शासन व्यवस्था माग गर्ने राजावादीहरुको आवाज चर्कदै गएको छ । तर, सरकारका उपप्रधानमन्त्री पौडेलले भने पुरानो मितिमा नियुक्ती सम्बन्धी मापदण्ड संशोधन गरी गैर कानुनी बुँदाहरु समावेश गरेर नयाँ गभर्नर नियुक्ती गर्ने खेल जारी राखेका छन् ।
उक्त मापदण्डमा सार्वजनिक निकायमा नियुक्तीका लागि ३५ बर्ष पुरा भई ६५ बर्ष ननाघेको व्यक्ति हुनुपर्ने व्यवस्था थियो । नियम ३ ग मा रहेको सो व्यवस्था नयाँ मापदण्डमा हटाइएको छ । उमेर हद हटाइएकोबारे जिज्ञाशा राख्दा प्रबक्ता भण्डारीले ऐनमा भएको व्यवस्था अनुसार मिलाइएको बताउँदै संशोधन भएको स्वीकार गरेका छन् ।
उक्त मापदण्ड हटाएर पूर्व मुख्य सचिव राजेन्द्र किशोर क्षेत्री, राष्ट्र बैंककै सञ्चालक रविन्द्रराज पाण्डे वा भाटभटेनीका मालिक मिन बहादुर गुरुङ निकट किरण श्रेष्ठ मध्येबाट एक जनालाई गभर्नर बनाउने खेल भइरहेको विश्वस्त सूत्रले जनाएको छ । यद्यपि यसको स्वतन्त्र पुष्टि भने भइसकेको छैन ।
सरकारले अहिले नयाँ गभर्नर नियुक्तीका लागि अर्थमन्त्री बिष्णु पौडेलको संयोजकत्वमा छनौट समिति गठन गरेको छ । तर, छनौट समितिले मापदण्ड बनाउनु अघि नै पुरानो मिति राखेर अर्थमन्त्रालय सम्बद्ध सार्वजनिक निकायको पदाधिकारी तथा सदस्यको नियुक्ती सम्बन्धी मापदण्ड २०७३ लाई दोस्रो पटक संशोधन गरिएको हो ।
रोचक कुरा के छ भने मन्त्रिपरिषदले गत चैत्र ११ गतको बैठकबाट गभर्नर नियुक्तीका लागि छनौट समिति बनाउने निर्णय गरेको थियो । छनौट समितिले मापदण्ड बनाउँदा अर्थमन्त्री पौडेलले चाहेको व्यक्ति नपर्ने भएपछि गत फागुन २७ गतेको मिति राखेर उक्त मापदण्ड संशोधन गरिएको हो । अर्थमन्त्रालयका प्रबक्ता श्याम प्रसाद भण्डारीले हिजो आइतबार मात्रै उक्त मापदण्ड वेभसाईटमा अपलोड गरिएको स्वीकार गर्दै गत शुक्रबार सो सम्बन्धी निर्णय भएको बताए ।
आफू मन्त्री हुँदा सधैं विवादित व्यक्तिलाई नियुक्ती गर्ने र देशका कालाबजारिया र तस्करसँग सेटिङ गरेको आरोप लाग्दै आएका बिष्णु पौडेलले गभर्नर नियुक्तीमा पनि नयाँ सेटिङ गरेका छन् । संसदमा प्रमुख प्रतिपक्ष दल नेकपा माओवादी केन्द्रका अध्यक्ष प्रचण्ड, सत्ताधारी दल नेपाली कांग्रेसकै महामन्त्री गगन थापाले समेत गभर्नर नियुक्तीमा चलखेल नगर्न चेतावनी दिँदादिँदै अर्थमन्त्री बिष्णु पौडेलले सुशासन र लोकतन्त्रको धज्जी उडाउँदै पुरानो मिति राखेर मापदण्ड नै संशोधन गरेका छन् ।
अर्थमन्त्रालयको सार्वजनिक नियुक्ती सम्बन्धी मापदण्ड
