‘लघुवित्त क्षेत्रको वास्तविकता बुझेर दिगो कार्यक्रम सञ्चालन गर्ने प्रतिबद्धता’
काठमाडौँ । नेपाल लघुवित्त बैकर्स संघका अध्यक्ष र नेशनल लघुवित्त वित्तीय संस्थाका प्रमुख कार्यकारी अधिकृत राम बहादुर यादव सुदुरपश्चिमको कैलालीको गोदावरी नगरपालिका अत्तरिया पुगका छन्। नेपाल लघुवित्त बैकर्स संघ समन्वय समितिले अत्तरिया, कैलालीमा उनलाई स्वागत गरेको हो।
समन्वय समितिका पदाधिकारीहरुले अत्तरिया क्षेत्रमा लघुवित्त क्षेत्रको विकासमा उहाँको योगदान र भुमिकाको कदर गर्दै स्वागत गरेका छन्। समन्वय समिति अध्यक्ष नरेश बोहरा, उपाध्यक्ष मनोज पण्डित, सचिव दीपक महरा, सदस्य गणेश प्रसाद भट्ट, चन्द्र बहादुर बोहरा, खडक रोकाया लगायत अन्य सदस्यहरुको उपस्थितिमा कार्यक्रम सम्पन्न भएको थियो। कार्यक्रममा इन्पिनिटी र सुर्योदय वोमी लघुवित्तका अनुगमन अधिकृतहरु पनि सहभागी थिए।
कार्यक्रममा बोल्दै अध्यक्ष यादवले लघुवित्त क्षेत्रमा भएका कतिपय समस्याहरूसँग सम्बन्धित राय राख्दै भने, “स्थानीय तह, सरकारी निकाय र राष्ट्र बैंकले लघुवित्त क्षेत्रको वास्तविकता बुझिसकेपछि यसको विकल्प नहुनु प्रमाणित भएको छ।” उनले आगामी दिनमा वित्तीय साक्षरता र सामाजिक जनचेतनाका लागि दिगो कार्यक्रम सञ्चालन गर्ने र लघुवित्त कर्मीहरु एकजुट भएर आम जनसमुदायमा वित्तीय पहुँच पुर्याउनुपर्नेमा जोड दिए ।
समन्वय समिति अध्यक्ष दीपक महराले पनि अध्यक्ष यादवका विचारलाई स्वागत गर्दै, “लघुवित्त क्षेत्रको भविष्यमा सबै संगठन मिलेर अघि बढ्नेछ र आगामी कार्यक्रमको रणनीति तयार पारिने छ” भन्ने जानकारी दिए ।
