प्रधानमन्त्री ओलीको थाइल्यान्ड भ्रमणमा दुईवटा सम्झौता हुने
काठमाडौं । प्रधानमन्त्री केपी शर्मा ओलीले आफ्नो थाइल्यान्ड भ्रमणका क्रममा दुईवटा समझदारी पत्रमा हस्ताक्षर हुने बताएका छन् । दुई प्रधानमन्त्रीको उपस्थितिमा गैरसरकारी क्षेत्रबीच समझदारी पत्रमा हस्ताक्षर हुनेछ ।
सोमबार प्रतिनिधिसभाको बैठकलाई सम्बोधन गर्दै प्रधानमन्त्री ओलीले कूटनीतिक सम्बन्ध स्थापना भएको ६२ वर्षपछि औपचारिक भ्रमण हुन लागेको बताए ।
बैठकमा सम्बोधन गर्दै प्रधानमन्त्री ओलीले कूटनीतिक सम्बन्ध स्थापना भएको ६५ वर्षपछि नेपालको प्रधानमन्त्रीको पहिलोपटक थाइल्याण्डको औपचारिक भ्रमण हुन लागेको जानकारी गराए ।
यही चैत १९ गतेबाट थाइल्यान्डमा नेपालका प्रधानमन्त्रीबाट पहिलो औपचारिक भ्रमण हुँदै छ । प्रधानमन्त्री ओलीले नेपालीको निकट छिमेकीबाहेकका देशहरूको भ्रमणमा ‘गेट–वे’को रूपमा रहेको बैंककमा अहिलेसम्म औपचारिक भ्रमण नभएको सन्दर्भमा यो भ्रमण आफैँमा महत्त्वपूर्ण हुने बताए ।
भ्रमणका क्रममा प्रधानमन्त्री ओलीको र थाइल्यान्डका नरेश र समकक्षीसँग भेटवार्ता हुनेछ ।
