तीनकुने घटनामा संलग्न कसैलाई पनि नछोड्ने प्रधानमन्त्री ओलीको चेतावनी
काठमाडौं । प्रधानमन्त्री केपी शमा ओलीले तीन कुने घटनामा संलग्न जो सूकै भएपनि प्रशासनिक कारबाही गर्ने चेतावनी दिएका छन् ।
सोमबार प्रतिनिधि सभालाई सम्बोधन गर्दै प्रधानमन्त्री केपी शर्मा ओलीले तीनकुने घटनामा प्रहरीमाथी गाडी चलाउने, नीजि सम्पत्तिमा आगो लगाउने, लुटपाट गर्ने जो कोही भएपनि कारेबाही गर्ने चेतावनी दिएका हुन् ।
प्रधानमन्त्री ओलीले सामाजिक सञ्जाल तथा जुनसुकै प्लेटफर्मको प्रयोग गरी जथाभावि बोेल्ने र अनावश्यक रुपमा सरकारको आलोचना गर्न नपाइने धारणा व्यक्त गरेका छन् ।
‘यी सबै निन्दनीय र खेदजनक कार्य हुन्,’ प्रधानमन्त्री ओलीले भनेका छन्, ‘यस्ता घटनामा संलग्नमाथि जुनसुकै तवरमा किन नहुन्, कडा प्रशासनिक कारबाही हुन्छ ।’
साथै, उनले सोही दिन समाजवादी मोर्चाले गरेको कार्य शान्तिपूर्ण भएको भन्दै दलहरूलाई धन्यवाद समेत दिएका छन् ।
