सार्वजनिक विदाको दिन बैंकिङ्ग सुविधा उपलब्ध, बैंकका यी शाखाहरुबाट लिनुहोस सेवा (सूचीसहित)
काठमाडौं । सरकारले ईद उल फितरको अवसरमा सोमबार देशभर सार्वजनिक बिदा दिएको छ । नेपालका दुई दर्जन बढी विकास तथा वाणिज्य बैंकहरुले आफ्ना ग्राहकहरुको समस्यालाई मध्य नजर गर्दै सीमित शाखा कार्यालयहरु सञ्चालन गरेर बैकिङ्ग सेवा प्रदान गरेका हुन् ।
सोमबार विभिन्न बैंकहरुले उपत्यका भित्र र देशका विभिन्न व्यापारीक तथा बढी मानिसहरु बसोबास गर्ने स्थानका शाखा कार्यालय खुल्ला गरेर बैकिङ्ग सेवा दिरहेका छन् । बैंकहरुले आफ्ना विभिन्न आधिकारीक सामाजिक सञ्जाल मार्फत सार्वजनिक सूचना जारी गर्दै सार्वजनिक विदाको दिन खुल्ला रहने तथा बैंकिङ्ग सेवा लिन सकिने शाखा कार्यालयको सूची सार्वजनिक गरेका छन् ।
राष्ट्र बैंकको नियम अनुसार पनि बैंकहरुले खुल्ला राखेको हो । राष्ट्र बैंकले सार्वजनिक बिदाको समयमा अत्यावश्यक सेवा सु्चारु गर्न बैंक तथा वित्तिय संस्थाहरुलाई निर्देशन दिएको छ। सो बमोजिम आज सार्वजनिक बिदाको दिनमा पनि केही बैंक तथा वित्तिय संस्थाहरुले सेवा सुचारु गरेका हुन् ।
सोमबारका दिन सानिमा बैंक, एनएमबि बैंक, सिटिजन्स बैंक, प्राइम कमर्सियल बैंक, हिमालयन बैंक, कामना सेवा विकास बैंक, एभरेष्ट बैंक, लक्ष्मी सनराइज बैंक, ग्लोबल आइएमई बैंक लगायतका बैंकहरुले सार्वजनिक विदामा पनि केही शाखा कार्यालयबाट बैकिङ्ग सेवा प्रदान गरीरहेका छन् ।
आज सार्वजनिक विदा भएकाले शैक्षिक संस्था, बैंक तथा वित्तीय संस्था, शेयर बजार लगायत सरकारी कार्यालयहरू बन्द रहनेछन्। जसमा केही बैंकहरु सीमित स्थानबाट तथा सीमित समयको लागि बैंकिङ्ग सेवा उपलब्ध गराइरहेका छन् ।
