मिश्र र राणालाई रिहा नगरिएपछि राप्रपाको मसाल जुलुस
काठमाडौँ । राष्ट्रिय प्रजातन्त्र पार्टी (राप्रपा)ले वरिष्ठ उपाध्यक्ष रवीन्द्र मिश्र र महामन्त्री धवलशमशेर राणालाई रिहा गर्ने माग गर्दै काठमाडौँमा मसाल जुलुस निकालेका छन्। पार्टीका नेताहरूले जुलुसमा सरकारको विरोधमा नारा लगाउँदै प्रदर्शन गरेका थिए।
जुलुसमा सहभागीहरूले ‘हाम्रो नेता रिहा गर’, ‘गणतन्त्र धोका हो’, ‘हिन्दु राष्ट्र कायम गर’, ‘संघीयता खारेज गर’ लगायतका नारा लगाएका थिए। राप्रपाका नेताहरूले यस प्रदर्शनमार्फत आफ्नो नेता राणा र मिश्रको रिहाइको माग गर्दै सरकारको आलोचना गरेका छन्।
राजावादी आन्दोलनमा भएको हिंसात्मक घटना तीनकुनेमा हत्या, तोडफोड र आक्रमण हुँदा मिश्र र राणालाई उक्साउन संलग्न भएको भन्दै प्रहरीले पक्राउ गरेको थियो ।
