नेशनल लाइफ महेन्द्रनगर शाखाद्वारा आयोजित अभिकर्ता पुनर्ताजगी कार्यक्रम सम्पन्न
काठमाडौं । नेपालको अग्रणि जीवन बीमा कम्पनी नेशनल लाइफ इन्स्योरेन्स कम्पनी लिमिटेड महेन्द्रनगर शाखाको आयोजनामा अभिकर्ता पुनर्ताजगी कार्यक्रम २०८१ महेन्द्रनगर कंचनपुरमा सम्पन्न भएको छ ।
करिब ६ दर्जन अभिकर्ताको बाक्लो पस्थितिमा सम्पन्न भएको उक्त कार्यक्रमको अध्यक्षता कम्पनीको महेन्द्रनगर शाखाका जेष्ठ अभिकर्ता एवम् पेशागत बिमा अभिकर्ता संघ नेपाल बिमक नेशनल लाईफ महेन्द्रनगर शाखाका अध्यक्ष डम्बर बहादुर बिष्टले गर्नु भएको थियो ।
नेशनल लाइफ इन्स्योरेन्स कम्पनी लिमिटेड सुदुरपश्चिम प्रदेश प्रमुख नविनकिशोर भट्टको प्रमुख आतिथ्य रहेको कार्यक्रममा महेन्द्रनगर शाखाका शाखा प्रमुख अमर सिह धामिले सहभागीलाई स्वागत मन्तब्य राखेका थिए । पेशागत अभिकर्ता संघ नेपाल सुदुरपश्चिम प्रदेश सचिव धनसिह ठगुन्नाले बीमा पोलिसि र पेशागत हकहितका बारेमा प्रकाश पारेका थिए ।
सफल व्यावशायिक र सक्षम अभिकर्तामा हुनुपर्ने बिशेषताका बारेमा सिनियर बिजनेस म्यानेजर द्वय पुष्पा कुमारि चन्द र नवराज अवस्थिले आफ्नो अनुभव शेयर गरेको अभिकर्ता पुनर्ताजगी कार्यक्रमको संचालन नेशनल लाइफ इन्स्योरेन्स कम्पनी लिमिटेड महेन्द्रनगर शाखाका चिफ बिजनेस म्यानेजर राजेन्द्र बहादुर चन्दले गरेका थिए ।
मजबुत र बिस्वाशिलो कम्पनी संग आवद्ध भई काम गर्न आफुलाई निकै सहज र राम्रो भएको कुरा कार्यक्रममा सहभागीले अभिकर्ता बिजनेस अफिसर द्वय मिना खरेल र द्रोपति भट्टले बताइन् ।
