सुनसरीको सेन्टर प्लाजामा आगलागी
काठमाडौं । सुनसरी जिल्लाको इटहरी उपमहानगर –६ मा रहेको सेन्टर प्लाजामा आगलागी भएको छ ।
बुधबार प्लाजामा बिहान ९ बजेर ४३ मिनेटको समयमा आगलागी भएको जिल्ला प्रहरी कार्यालय सुनसरीका डीएसपी योगराज खतिवडाले बताए ।
गलागी लगत्तै उक्त भवनभित्र रहेका मानिसको उद्धार गरिएको तर तीन जना भने भित्रै रहेको जानकारी पाएको उनको भनाइ छ ।आगो निभाउनका लागि १० वटा दमकल परिचालन गरिएको छ । यद्यपि आगो नियन्त्रणमा आउन नसकेको जनाइएको छ ।
प्लाजामा केही मानिसहरु भित्रै रहेको र आगलागी नियन्त्रणमा नआएपछि गृहमन्त्री रमेश लेखकको पहलमा सेनाको हेलिकप्टर आगो नियन्त्रणको लागि पठाएको बताइएको छ ।
