स्थापनाकालमै जडान गरिएका जीर्ण मेसिनहरू प्रतिस्थापन गर्नुपर्ने आवश्यकता रहे पनि आर्थिक अभावका कारण तत्काल नयाँ मेसिन जडान सम्भव नभएपछि मर्मत गरेरै उत्पादन अघि बढाउने निर्णय भएको छ। उद्योग सञ्चालनका लागि आवश्यक कच्चा पदार्थको आपूर्ति सुनिश्चित भइसकेको छ। मौज्दातमा रहेको कोइलाका साथै थप कोइला आपूर्ति प्रक्रिया अघि बढाइएको छ, जसले उत्पादनमा कुनै अवरोध नआउने उद्योगले जनाएको छ।
उद्योग सञ्चालनका लागि आवश्यक विद्युत् आपूर्तिबारे नेपाल विद्युत् प्राधिकरणसँग सहमति भइसकेको छ, जसअनुसार नियमित आपूर्ति हुने प्रतिबद्धता व्यक्त गरिएको छ। उद्योग मर्मत आवश्यक भएकाले गत असोज १५ गतेदेखि उत्पादन बन्द गरिएको थियो, जसका कारण कर्मचारीहरूले विगत तीन महिनादेखि तलब भत्ता प्राप्त गर्न सकेका छैनन्। अब उत्पादन पुनः सञ्चालन भएपछि उद्योगको आर्थिक अवस्था सुधार हुने र नियमित तलब तथा भुक्तानी व्यवस्थापन गरिने अपेक्षा गरिएको छ।
हेटौँडा सिमेन्ट उद्योग व्यवस्थापनले आवश्यक मर्मत गर्नुपर्ने भएकाले गत असोज १५ गतेदेखि उत्पादन बन्द गरेको थियो । उद्योग बन्द भएपछि कर्मचारीले विगत तीन महिनादेखि तलब भत्ता पाउन सकेका छैनन् ।
