नवीकरण बीमा शुल्क आर्जन ८५ अर्बः नेपाल, एलआइसी र नेशनलको अग्रता कायमै, रिलायबल–सिटिजनको सर्वाधिक ग्रोथ
काठमाडौं । नेपालमा सञ्चालित जीवन बीमा कम्पनीहरुले चालु आर्थिक वर्षको फागुन मसान्तसम्मको अवधिमा ८५ अर्ब ६१ लाख रुपैयाँ नबिकरण बीमा शुल्क आर्जन गरेका छन् ।
नेपाल बीमा प्राधिकरणले आज सार्वजनिक गरेको विवरण अनुसार सञ्चालनमा रहेका १४ जीवन बीमा कम्पनीहरुको नबिकरण बीमा शुल्क आर्जन ७.२० प्रतिशतले बृद्धि भएको छ । कम्पनीहरुले गत आवको यस अवधिमा कुल ७९ अर्ब ८६ करोड रुपैयाँ बराबरको नविकरण बीमा शुल्क आर्जन गरेका थिए ।
सार्वजनिक विवरण अनुसार नेपाल लाइफ एलआइसी नेपालले सबैभन्दा बढी बीमा शुल्क आर्जन गर्न सफल भएका छन् भने, नबिकरण बीमा शुल्क बृद्धिमा रिलायबल नेपाल लाइफ र सिटिजन लाइफ सबैभन्दा अगाडि रहेका छन् ।
समीक्षा महिनाको अवधिमा नेपाल लाइफ इन्स्योरेन्स सबैभन्दा बढी नविकरण बीमा शुल्क आर्जन गर्न सफल भएको छ । कम्पनीले ८ महिनाको अवधिमा २३ अर्ब ९२ करोड रुपैयाँ नविकरण बीमा शुल्क आर्जन गरेको छ । जुन गत आवको तुलनामा ८.४७ प्रतिशत बढी रहेको छ ।
दोस्रो स्थानमा रहेको एलआइसी नेपालले १० अर्ब ८४ करोड नविकरण बीमा शुल्क आर्जन गरेको छ । कम्पनीले यस्तो गत आर्थिक वर्षको तुलनामा ६.०४ प्रतिशतले बृद्धि भएको छ ।
साथै, नेशनल लाइफ इन्स्योरेन्सको नविकरण बीमा शुल्क १६.८८ प्रतिशतले बद्धि भएर १० अर्ब १७ करोड रुपैयाँ र हिमालयन लाइफ इन्स्योरेन्सको नौ अर्ब ५५ करोड रुपैयाँ नविकरण बीमा शुल्क आर्जन रहेको छ ।
स्रोतः नेपाल बीमा प्राधिकरण
सूर्यज्योति लाइफको नविकरण बीमा शुल्क आर्जन गत आर्थिक वर्षको तुलनामा १३.५८ प्रतिशतले बढेर चार अर्ब ९६ करोड रुपैयाँ रहेको छ । साथै, एशियन लाइफ इन्स्योरेन्सको नविकरण बीमा शुल्क आर्जन चार अर्ब ४७ करोड रुपैयाँ, राष्ट्रिय जीवन बीमा कम्पनीको तीन अर्ब ८२ करोड रुपैयाँ, सिटिजन लाइफ इन्स्योरेन्सको तीन अर्ब १६ करोड रुपैयाँ नविकरण बीमा शुल्क मार्फत आर्जन गरेको छ ।
विवरण अनुसार सानिमा रिलायन्स लाइफको नविकरण बीमा शुल्क आर्जन १० प्रतिशतले बृद्धि भएर तीन अर्ब ११ करोड रुपैयाँ रहेको छ । यस अवधिमा मेट लाइफले तीन अर्ब तीन करोड रुपैयाँ, आइएमई लाइफले दुई अर्ब ३१ करोड रुपैयाँ, प्रभु महालक्ष्मी लाइफले दुई अर्ब २९ करोड रुपैयाँ नविकरण बीमा शुल्क मार्फत आर्जन गरेको छ ।
साथै, रिलायवल नेपाल लाइफको नविकरण बीमा शुल्क आर्जन २२ प्रतिशतले बढेर दुई अर्ब १७ करोड रुपैयाँ र सन नेपाल लाइफ इन्स्योरेन्सको १० प्रतिशतले बढेर एक अर्ब १७ करोड रुपैयाँ रहेको छट ।
समीक्षा अवधिमा सरकारी स्वामित्वको राष्ट्रिय जीवन बीमा कम्पनीको नविकरण बीमा शुल्क आर्जन गत आवको तुलनामा २० प्रतिशतले घटेको छ भने हिमालयन लाइफको २ प्रतिशतले नविकरण बीमा शुल्क आर्जन घट्न पुगेको छ ।
