बिर्तामोडमा हिमालयन एभरेष्ट इन्स्योरेन्सको २ दिने निःशुल्क स्वास्थ्य शिविर सम्पन्न
काठमाडौं । बिर्तामोडमा हिमालयन एभरेष्ट इन्स्योरेन्स लिमिटेड बिर्तामोड शाखाले नेपाल यातायात स्वतन्त्र मजदुर संगठनको सहकार्यमा २ दिने निःशुल्क नाक, कान, आँखा स्वास्थ्य शिविर सम्पन्न गरेको छ। यातायात क्षेत्रमा कार्यरत मजदुर तथा चालकहरूको स्वास्थ्यलाई ध्यानमा राखी आयोजना गरिएको यो शिविर २०८१ साल चैत ७ र ८ गते सम्पन्न भएको थियो।
शिविरमा करिब ५०० जनाले निःशुल्क स्वास्थ्य परीक्षण सेवा प्राप्त गरेका थिए। परीक्षण गरिएका बिरामीहरूलाई आवश्यक औषधि निःशुल्क वितरण गरिएको थियो। विशेष गरी यातायात चालकहरूलाई लक्षित गरी सञ्चालन गरिएको यो शिविरमा नाक, कान, आँखाका समस्या भएका व्यक्तिहरूको प्रारम्भिक परीक्षण तथा परामर्श दिइएको थियो।
स्वास्थ्य शिविरमा विभिन्न स्वास्थ्य विशेषज्ञहरूको टोलीले सहभागीहरूलाई आवश्यक स्वास्थ्य परामर्श प्रदान गरेको कम्पनीले जानकारी दिएको छ। आयोजक संस्थाहरूका अनुसार यो शिविर यातायात मजदुर तथा चालकहरूको स्वास्थ्य समस्या पहिचान गर्दै उपचारमा सहयोग पुर्याउने उद्देश्यले सञ्चालन गरिएको थियो। कार्यक्रममा सहभागीहरूले निःशुल्क स्वास्थ्य परीक्षणको अवसर पाएर आफूलाई लाभान्वित महसुस गरेको प्रतिक्रिया दिएका छन्।
हिमालयन एभरेष्ट इन्स्योरेन्स लिमिटेड बिर्तामोड शाखाका प्रमुख सुशिल थापाले शिविर सफलतापूर्वक सम्पन्न भएकोमा खुशी व्यक्त गर्दै भविष्यमा पनि यस्ता कार्यक्रमलाई निरन्तरता दिने प्रतिबद्धता व्यक्त गरे। उनका अनुसार कम्पनीले समाजमा सकारात्मक प्रभाव पार्ने उद्देश्यले यस्ता स्वास्थ्य कार्यक्रमहरू आयोजना गर्दै आएको छ।
नेपाल यातायात स्वतन्त्र मजदुर संगठनका प्रतिनिधिहरूले पनि यातायात मजदुरहरूको स्वास्थ्य सुरक्षाका लागि यस्ता कार्यक्रमहरू आवश्यक रहेको बताएका छन्। उनीहरूले आगामी दिनमा अझ बढी स्वास्थ्य सेवा उपलब्ध गराउने योजनाबारे जानकारी गराएका छन्।
यस स्वास्थ्य शिविरले यातायात क्षेत्रमा कार्यरत मजदुरहरूको स्वास्थ्य सुधार गर्न महत्वपूर्ण योगदान पुर्याएको आयोजकहरूको भनाइ छ। आयोजक संस्थाहरूले आगामी दिनमा पनि यस्ता कार्यक्रम सञ्चालन गर्ने प्रतिबद्धता व्यक्त गरेका छन्।
