गणपति लघुवित्तमा कर्मचारी माग, एसईई पास गरेकाले आवेदन दिन पाउने
काठमाडौं । गणपति लघुवित्त वित्तीय संस्था लिमिटेडले सहायक, कनिष्ठ सहायक र प्रशिक्षार्थी सहायक गरी तीनवटै पदमा केही संख्यामा कर्मचारी माग गरेको छ।
सहायक र कनिष्ठ सहायक पदका लागि प्लस टू पास गरी लघुवित्तमा १ वर्ष काम गरेको वा एसईई पास गरी २ वर्ष काम गरेको हुनु पर्नेछ भने प्रशिक्षार्थी सहायकका लागि एसईई पास गरेको र कम्प्यूटर सम्बन्धी सामान्य ज्ञान भएको हुनु पर्नेछ।
उमेरको हदमा १८ वर्ष पूरा भई ३५ ननाघेको हुनु पर्नेछ भने महिलाले ४० वर्ष ननाघेको हुनु पर्नेछ। सवारी साधन र लाइसेन्स भएकाले प्राथमिकता पाउनेछन्।
योग्य तथा इच्छु व्यक्तिले आवश्यक कागजात सहित १५ दिनभित्र दरखास्त आवेदन दिइसक्नु पर्नेछ।
