सिद्धार्थ प्रिमियरको नगद लाभांश शेयरधनीको खातामा
काठमाडौं । सिद्धार्थ प्रिमियर इन्स्योरेन्स लिमिटेडको फागुन १५ गतेको साधारणसभाले पारित गरेको ३० प्रतिशत नगद लाभांश (कर सहित) सोही दिनदेखि शेयरधनीको बैंक खातामा पठाउन थालिएको छ।
साधारणसभा तथा लाभांश वितरण प्रयोजनार्थ कम्पनीले फागुन २ गते बुक क्लोज गरेको थियो। बुक क्लोजका आधारमा फागुन १ गतेसम्म कायम शेयरधनीहरूले मात्र उक्त लाभांश प्राप्त गर्नेछन्।
साथै डिम्याट खातामा बैंक खाता अद्यावधिक नभएको भए यथाशीघ्र गर्न आग्रह समेत गरेको छ। शेयर धितो राखेर कर्जा लिएका शेयरधनीले कर्जा लिएको बैंक तथा वित्तीय संस्थाबाट एनओसी वा फुकुवा पत्र पेश गरेपछि मात्रै नगद लाभांश पठाइने जनाएको छ।
कम्पनीको शेयर रजिष्ट्रारमा एनएमबि क्यापिटल लिमिटेड रहेको छ।
