आज सहिद दिवस मनाइँदै, देशभर सार्वजनिक बिदा
काठमाडौं । आज माघ १६ गते देशभर सहिद दिवस मनाइँदैछ। राष्ट्रको स्वतन्त्रता, लोकतन्त्र र जनअधिकारका लागि आफ्नो प्राण आहुति दिने सहिदहरूको सम्झनामा हरेक वर्ष यो दिवस मनाइने गरिएको छ।
यस अवसरमा देशभर विविध कार्यक्रमहरू आयोजना गरी सहिदप्रति श्रद्धाञ्जलि अर्पण गर्दै मनाइँने गरिन्छ। काठमाडौंको सहिद स्मारकलगायत अन्य स्थानमा विशेष कार्यक्रमहरू आयोजना हुने गर्छन्।
सरकारले सहिद दिवसको अवसरमा आज देशभर सार्वजनिक बिदा दिएको छ। यससँगै आज बैंक तथा वित्तीय संस्था, शिक्षण संस्था, सरकारी कार्यालयहरूका साथै नेप्से बन्द रहनेछ।
