हुन्डाईका गाडीमा अर्को समस्या रहेको स्वीकार, फ्युल पम्पका कारण आगलागीको जोखिम
काठमाडौँ । हेर्दा आकर्षक तर गुणस्तरमा गम्भीर समस्या रहेको हुन्डाई गाडीमा भएको त्रुटि एकपछि अर्को गर्दै बाहिर आइरहेको छ । आगलागी, प्राधिकरण समस्या र उत्पादनमा त्रुटिका कारण हुन्डाईका गाडी गुणस्तरहीन भइरहेको तथ्य बाहिर आइरहेको हो ।
प्राविधिक समस्याका कारण अमेरिकाबाट १ लाख ४५ हजार हुन्डाईका लागि फिर्ता बोलाएको केहि महिना नपुग्र्दै पुनः उत्पादन प्रक्रियामा देखिएको त्रुटिका कारण हजारौं गाडी फिर्ता बोलाएको हो ।
सन् २०१७ देखि २०२३ सम्मका जेनेसिस जी ७०, सन् २०२० देखि २०२३ सम्मका हुन्डाई कोना एन र आइ ३० सेडान एन गरी लगभग ५ हजार गाडीहरू फिर्ता बोलाएको हो । फिर्ता बोलाउने निर्णयको कारण उच्च–दबाब इन्धन पम्पमा रहेको इन्धन नियन्त्रण भल्भमा समस्या देखिएको हो । फिर्ता सम्बन्धी सूचनामा भनिएको छ, “इन्धन नियन्त्रण भल्भले आवश्यकता भन्दा बढी इन्धन पम्पमा प्रवेश गर्न दिन सक्छ । यदि यस्तो हुन्छ भने, गाडीको इन्जिन बन्द हुनसक्छ, जसले गर्दा गाडीको शक्ति अचानक गुम्न सक्छ ।”
गाडी चलाउँदै गर्दा शक्ति अचानक गुम्नु गम्भीर दुर्घटनाको कारण बन्नसक्ने जसले गाडीका यात्रु र अन्य सडक प्रयोगकर्तालाई गम्भीर चोटपटक वा मृत्युसम्मको जोखिममा पार्नसक्ने खतरा रहेको सूचनामा उल्लेख गरिएको छ ।
प्रभावित गाडीका मालिकहरूलाई जेनेसिस मोटर अस्ट्रेलियाले लिखित रूपमा सम्पर्क गरेर इन्धन पम्पको निरीक्षण गर्न र आवश्यक परेमा निःशुल्क रूपमा बदल्न आग्रह गरेको छ । प्रभावित गाडीहरूको वाहन पहिचान नम्बरको सूची अस्ट्रेलियाको यातायात विभागको वेबसाइटमा उपलब्ध गराइएको छ । ग्राहकहरूले उक्त सूची हेरी आफ्नो गाडी प्रभावित भएको भए निकटतम सेवा केन्द्रमा सम्पर्क गर्न सक्नेछन् ।
नेपालमा भने हुन्डाईको गाडी लक्ष्मी मोटर्सले बिक्रि वितरण गर्दै आइरहेको छ ।
सम्बन्धीत समाचार
प्राविधिक समस्यापछि अमेरिकाबाट हुन्डाईका १ लाख ४५ हजार ईभी गाडी फिर्ता
गुणस्तरहीन हुन्डाई ‘आइओनिक ५’ धमाधम बिक्री गर्दै लक्ष्मी मोटर्स, ग्राहकको सुरक्षामा खतरा
हुन्डाई गाडीमा बढ्दो आगलागी समस्या, के ब्याट्रि नै गुणस्तरहीन हुन् ?
हुन्डाई र कियाका ईभी गाडीमा गम्भीर समस्या, दुर्घटनाको जोखिम बढ्ने सवारी धमाधम बिक्री गरिदैं
