ताला फुटाएर मध्यराति बैंकमा चोरीको प्रयास
काठमाडौँ । दाङको तुलसीपुरस्थित एनएमबि बैंकको शाखामा चोरी गर्ने प्रयासमा २७ वर्षीय सन्तोष चौधरीलाई प्रहरीले पक्राउ गरेको छ। शनिबार राती डेढ बजेतिर इलाका प्रहरी कार्यालयको टोलीले उनलाई नियन्त्रणमा लिएको हो।
प्रहरीका अनुसार, चौधरीले रातको समय सुरक्षा गार्ड नभएको अवसरको फाइदा उठाउँदै बैंकको भवनमा प्रवेश गरेका थिए। उनले शाखा कार्यालय भवनको भेन्टिलेटरबाट पैसा राख्ने कोठासम्म पुगेर चोरी गर्न प्रयास गरे। तर, उनले ढोका खोल्न असफल भएका कारण पैसा चोर्न असमर्थ भए। चोर्नका लागि उनले १० भन्दा बढी चाबी प्रयोग गरेका थिए, जुन पछि प्रहरीले बरामद गरेको छ।
साथै, चौधरीको प्रयोग गरेको रा५प ९७९ नम्बरको स्कुटर पनि प्रहरीले जब्त गरेको छ। प्रहरीले घटना बारे थप अनुसन्धान जारी राखेको जनाएको छ। चौधरीले प्रहरीसमक्ष बयान दिँदै भनेका छन् कि उनले खाना खान खर्च नभएको कारण बैंकमा पैसा छ भन्ने सोचेर चोरी गर्न गएको बताएका छन् ।
