एसईई परीक्षा २०८१ को तालिका सार्वजनिक
काठमाडौँ। २०८१ सालको माध्यमिक शिक्षा परीक्षा (एसईई) को तालिका परीक्षा नियन्त्रण कार्यालय, सानोठिमी भक्तपुरले सार्वजनिक गरेको छ। तालिका अनुसार परीक्षा चैत ७ गतेदेखि चैत १९ गतेसम्म सञ्चालन हुने छ।
पहिलो दिन अनिवार्य अंग्रेजी विषयको परीक्षा हुने छ। यसै दिन संस्कृत वेदविद्याश्रमतर्फ अनिवार्य संस्कृत र मदरासातर्फ अनिवार्य अरेविक भाषाको परीक्षा पनि हुने छ। दोस्रो दिन चैत ८ गते अनिवार्य नेपाली विषयको परीक्षा हुनेछ। गैरनेपाली विद्यार्थीहरूका लागि भने अंग्रेजी (इलेक्टिभ इङ्गलिस) विषयको परीक्षा तोकिएको छ।
चैत १० गते अनिवार्य गणित र चैत १२ गते अनिवार्य विज्ञान विषयको परीक्षा हुने तालिकामा उल्लेख छ। परीक्षा बिहान ८ बजेदेखि ११ बजेसम्म सञ्चालन हुनेछ।
चैत ७ गते सुरु हुने एसईई परीक्षा चैत १९ गते सम्पन्न हुनेछ।
