आईपीओको १० कित्ते नीति हटाउने तयारी
काठमाडौं । नेपाल धितोपत्र बोर्डले आईपीओको १० कित्ते नीतिलाई हटाउने तयारी गरेको छ। बोर्डले धितोपत्र दर्ता तथा निष्कासन नियमावलीको संशोधनका लागि समिति गठन गरेको छ ।
नियमन विभागका प्रमुख मुक्तिनाथ श्रेष्ठको संयोजकत्वमा ५ सदस्यीय समिति गठन गरिएको छ । समितिमा श्रेष्ठका साथै कानून विभागका उप कार्यकारी निर्देशक निरन्जय घिमिरे, नियमन विभागका उप कार्यकारी निर्देशक अम्बिका गिरी, निर्देशक रेवत श्रेष्ठ लगायत रहेका छन् ।
उक्त समितिमा १० कित्तो आवेदन दिने प्रावधान हटाएर ५० कित्ता आवेदन दिन मिल्ने गरी संसोधनको तयारी गरेको बुझिएको छ।
समितिले साधारण सेयर (आईपीओ) का सम्बन्धमा रहेको कानूनी व्यवस्थालाई संशोधन गर्ने, अहिले देखिएका केही समस्यालाई दीर्घकालिन रुपमा समाधान गर्ने, धितोपत्र बजारलाई दीर्घकालसम्म व्यवस्थित बनाउने गरी समितिले सुझाव दिने बताइएको छ ।
समितिले प्रतिवेदन बोर्ड बैठकमा पेश गरेपश्चात् अर्थमन्त्रालय हुँदै मन्त्रिपरिषदमा पठाइने र मन्त्रिपरिषदले पारित गरेपछि कार्यान्वयका लागि अर्थ मन्त्रालयले सेबोनमा पठाउने छ ।
