लाभांश प्रस्तावसहित बुटवल पावर कम्पनीको ३२औं साधारण सभा सम्पन्न
काठमाडौँ। बुटवल पावर कम्पनी लिमिटेडको ३२ औं वार्षिक साधारण सभा सम्पन्न भएको छ । सभा पुष २८ गतेमा कार्की व्यांक्वेट, बबरमहल, काठमाडौमा सञ्चालक समितिका अध्यक्ष पद्म ज्योतिको अध्यक्षतामा सम्पन्न भएको हो ।
सभाले सेयरधनीहरुलाई आर्थिक वर्ष २०८०र८१ को मुनाफाबाट चुक्त पूँजीको ५ प्रतिशत नगद लाभांश वितरण गर्ने प्रस्ताव पारित गरेको छ ।
साथै गत आवको वार्षिक प्रतिवेदन लगायतका वित्तीय विवरणहरू पारित गर्नुका साथै चालू आवको लागि लेखापरीक्षक नियुक्ति र पारिश्रमिक निर्धारण गर्ने प्रस्ताव पनि पारित गरेको छ ।
त्यसैगरी विद्युत उत्पादन अनुमतिपत्र हस्तान्तरण गर्ने, एफपीओ निष्कासन र सहयोग रकम अनुमोदन गर्ने लगायतका प्रस्ताव पनि पारित गरेको छ ।
