प्रधानमन्त्री निवास बालुवाटारमा मन्त्रिपरिषद्को बैठक सुरु
काठमाडौं । मन्त्रिपरिषद्को बैठक सुरु भएको छ । प्रधानमन्त्री निवास बालुवाटारमा बैठक सुरु भएको होबैठकमा नियमित कामकारबाहीबारे छलफल हुने बताइएको छ ।
आजको बैठकअघि प्रधानमन्त्री केपी शर्मा ओलीले राष्ट्रपति रामचन्द्र पौडेलसँग भेटवार्ता गरेका थिए । भेटमा कानुन न्याय तथा संसदीय मामिलामन्त्री अजयकुमार चौरसिया, नेपाल सरकारका मुख्यसचिव एकनारायण अर्याललगायत सहभागी थिए ।
सरकारले केही अध्यादेशको तयारी गरेको चर्चाका बीच सो भेटवार्ता भएको थियो । आजको बैठकले केही नियुक्ति र बढुवासम्बन्धी निर्णय लिन सक्ने एक मन्त्रीले जानकारी दिए ।
