बजार घट्दा पनि १० कम्पनीका लगानीकर्ता भए मालामाल, कुनले कति कमाए ?
काठमाडौँ । शेयर बजारमा दोहोरो अकंको करेक्सन देखिएको छ । नेपाल स्टक एक्सचेञ्ज (नेप्से) १८.१४ अकंले घटेर २६३५.०९ बिन्दुमा कायम भएको छ । आज ७ अर्ब ३० करोडको शेयर कारोबार भएको छ ।
बजार घट्दा पनि केहि कम्पनीको शेयर मूल्यमा उच्च सुधार देखिएको हो । यसदिन बराही हाइड्रोपावर र हिमालयन पावरको शेयरमा सकारात्मक सर्किट लागेको छ ।
यसदिन, रिभर फल्स पावरको ८.१९ प्रतिशत, न्यादी हाइड्रोपावरको ८.११ प्रतिशत र केबिएल डिबेञ्चरको ५.६० प्रतिशतले शेयर मूल्य बढेको छ ।
