हराएका ३३ मोटरसाइकल फेला पारी धनीलाई हस्तान्तरण
काठमाडौं । काठमाडौं उपत्यका ट्राफिक प्रहरीले हराएका ३३ ओटा मोटरसाइकल र स्कुटर फेला पारेर सम्बन्धित धनीलाई हस्तान्तरण गरेको छ।
ट्राफिक प्रहरी कार्यालयमा आज आयोजित कार्यक्रममा कार्यालयका प्रमुख एसएसपी विनोद घिमिरेले २५ ओटा मोटरसाइकल र ८ ओटा स्कुटर सम्बन्धित धनीलाई जिम्मा लगाएका हुन्।
ट्राफिक कार्यालयमा परेका निवेदनका आधारमा खोजी गर्दा केही सवारी साधन वास्तविक नम्बर प्लेटमै र केही नक्कली नम्बर प्लेट राखेको अवस्थामा सानेपा, सातदोबाटो, स्वयम्भू, सुकेधारा, कोटेश्वर, बालाजु, सोह्रखुट्टे, कीर्तिपुर लगायतका ठाउँहरूबाट फेला पारिएको बताएको छ।
