लिबर्टी माइक्रो लाइफद्वारा पोखरा महानगरपालिकाका ३१७ जनाको सामूहिक म्यादी जीवन बीमा
काठमाडौँ । नेपालको सीमान्कृत समुदायलाई लक्षित गर्दै जीवन बीमाका विशेष बीमा योजनाहरु प्रदान गर्ने उद्देश्यले लिबर्टी माइक्रो लाइफ इन्स्योरेन्स लिमिटेडले आफ्नो विभिन्न लघु बीमालेखहरुबाट सेवा दिदैं आएको छ ।
यसै सन्दर्भमा कम्पनीले पोखरा महानगरपालिका वडा.नंं.२७, तालचोक,कास्की संग आबद्ध रहेका ३१७ जना लाई कम्पनीको ग्रामीण सामूहिक म्यादी जीवन बीमा गरेको छ । यस बीमालेख अन्तर्गत ५० वर्षसम्मको व्यक्तिहरुको १ लाख रुपैयाँ बराबर र ५० वर्ष भन्दा माथि ६९ वर्षसम्मको व्यक्तिहरुको ५० हजार बीमांक बराबरको जोखिम अन्यन्तै न्यून रकममा कम्पनीले बहन गरेको छ । बीमा गर्ने व्यक्तिहरुको बीमा गरेको मिति देखि १ वर्ष भित्र कुनै पनि कारणले मृत्यु भएमा बीमांक बराबरको रकम भुक्तानी गरिने कम्पनीले जनाएको छ ।
कम्पनीले पोखरा महानगरपालिका वडा.नं.२७ लाई जारी गरेको उक्त बीमालेखमा कम्पनीको गण्डकी तथा लुम्विनी प्रदेशका रिजनल हेड शिव प्रसाद पौडयालले पोखरा महानगरपालिका वडा.नं.२७ का वडा अध्यक्ष पूर्ण बहादुर गुरुङ्गलाई वडा कार्यालयमा हस्तान्तरण गरेका थिए ।
