भारतमा हेलिकप्टर दुर्घटना हुदाँ तीन जनाको मृत्यु, करोडौंको दावी पर्ने
काठमाडौँ । भारतस्थित गुजरातको पोरबंदरमा शैनिक हेलिकप्टर दुर्घटनामा परेको छ । आइतबार कोस्टगार्डको एयर एन्क्लेवमा दुर्घटनामा भएको उक्त हेलिकप्टरमा सवार तीन जनाको मृत्यु भएको भारतिय सञ्चारमाध्यम न्यूज २४ ले जनाएको छ ।
भारतीय अधिकारीहरूले जनाएअनुसार, दुर्घटनाग्रस्त हेलिकप्टर कोस्टगार्डको एडभान्स लाइट हेलिकप्टर (एएलएच) ध्रुव थियो । यो हेलिकप्टर नियमित प्रशिक्षण उडानमा रहेको बेला प्राविधिक समस्या आएपछि पोरबंदर कोस्टगार्ड एयरपोर्टमा अवतरण गर्ने क्रममा दुर्घटना भएको हो ।
दुर्घटनाग्रस्त हेलिकप्टर र सवार तीन जनाको मृत्युमा करोडौं रुपैयाँको बीमा दावी पर्ने भएको छ । भारतिय सञ्चारमाध्यमका अनुसार यस घटनामा प्रहरीले थप अनुसन्धान गरिरहेको र सम्पूर्ण अनुशन्धान सकिएपछि र बीमा अधिकारीको निरीक्षण पश्चात कति रकम बराबरको दावी पर्ने भन्ने कुरा तय हुने छ ।
