मुगुमा अर्को भूकम्प
काठमाडौं । मुगुमा आज बिहान भूकम्प गएको छ । मुगुको लुमा क्षेत्र आसपास केन्द्रबिन्दु भएर भूकम्प गएको हो ।
भूकम्प आज बिहान ८ बजेर ३ मिनेटमा गएको हो। राष्ट्रिय भूकम्प मापन तथा अनुसन्धान केन्द्रले ४.४ म्याग्निच्युडको भूकम्प गएको जानकारी दिएको छ।
केही दिनयता क्रमैसँग भूकम्प गइरहेका छन्। हिजो बिहीबार १ बजेर २ मिनेटमा मात्रै काठमाडौं उपत्यकालाई समेत धक्का दिने गरी ४.६ म्याग्निच्युडको भूकम्प गएको थियो।
