वैदेशिक रोजगारमा जाने श्रमिकहरुले गरे १ अर्बको बीमा, कुन कम्पनीमा कति पोलिसी काटियो
काठमाडौं । वैदेशिक रोजगारमा जानेहरुले अनिवार्य रुपमा बीमा हो । चालु आवको पाँच महिनामा जीवन बीमा कम्पनीहरुले वैदेशिक रोजगार बीमालेख बेचेर १ अर्ब १८ करोड ९७ लाख रुपैयाँ बीमा प्रिमियम संकलन गरेका छन् ।
नियामक नेपाल बीमा प्राधिकरणले बैदेशिक रोजगार बीमालाई पुलमार्फत सञ्चालन गर्ने निर्णय गरेको छ । सो अनुसार अहिले तथ्याङ्कमा जसले जति नै बैदेशिक रोजगार बीमा व्यवसाय गरेको देखिए पनि हिस्सा बाँडफाँड भने प्राधिकरणले तोके बमोजिम हुने हुनेछ ।
मंसिर महिनामा ३२ करोड ३३ लाख रुपैयाँ बराबरको बीमा पोलिसी वैदेशिक रोजगारवापत भित्र्याएका छन् । यसमा सबैभन्दा बढी सन नेपाल लाइफ इन्स्योरेन्सले वैदेशिक रोजगार बीमा प्रिमियम संकलन गरेका छन् । कम्पनीले १९ करोड ३२ लाख २४ हजार रुपैयाँ संकलन गरेका छन् ।
यसमा सबैभन्दा बढी सन नेपाल लाइफ इन्स्योरेन्सले वैदेशिक रोजगार बीमा प्रिमियम संकलन गरेका छन् । कम्पनीले १९ करोड ३२ लाख २४ हजार रुपैयाँ संकलन गरेका छन् ।
दोस्रोमा एशियन लाइफ रहेको छ। कम्पनीले यस अवधिसम्मा रोजगार बीमालेख बिक्री गरेर २८ करोड २७ लाख रुपैयाँ कुल बीमाशुल्क आर्जन गरेको छ।
तेस्रोमा नेपाल लाइफ रहेको छ। कम्पनीले यस अवधिसम्ममा १२ करोड ६ लाख रुपैयाँ बीमाशुल्क आर्जन गरेका छन् ।
नेसनल लाइफले १० करोड, आइएमई लाइफले ६ करोड, सानिमा लाइफले ६ करोड, सूर्यज्योति लाइफले ५ करोड, रिलायबल नेपाल लाइफले ५ करोड , सिटिजन लाइफले ३ करोड , प्रभु महालक्ष्मीले १५ लाख र हिमालयन लाइफले १२ लाख रुपैयाँ बीमाशुल्क आर्जन गर्न सफल भएको छ।
मेट लाइफ र लाइफ इन्स्योरेन्स कर्पोरेसन (नेपाल)ले भने वैदेशिक रोजगार बीमा लेख बिक्री गरेको छैन । सबैभन्दा कम रकमको वैदेशिक रोजगार बीमालेख बिक्री गर्नेमा हिमालयन लाइफ इन्स्योरेन्स रहेको छ । कम्पनीले चालु आवको पाँच महिनामा वैदेशिक जीवन बीमालेख बिक्री गरेर ६ करोड ३४ लाख ८८ हजार रुपैयाँ मात्रै प्रिमियम संकलन गरेका छन् ।
माथिको तथ्याङ्क पोलिसी काटिएको मात्रैको हो । यसको औपचारिक गणना भने बीमा प्राधिकरणले तोके बमोजिम हुनेछ ।
