विजय लघुवित्तद्वारा देशभर वित्तीय साक्षरता कार्यक्रम संचालन

काठमाडौँ । विजय लघुवित्त वित्तीय संस्थाले देशव्यापी रुपमा वित्तीय साक्षरता कार्यक्रम संचालनमा ल्याएको छ । वित्तीय साक्षरताको महत्वका बारेमा जागरण ल्याउने, स्थानीय समुदायमा वित्तीय अनुशासन, बचत, कर्जा व्यवस्थापन र जोखिम न्यूनीकरणका महत्वपूर्ण पक्षहरूमा जनचेतना अभिवृद्धि गर्ने उद्धेश्यले संस्थाका विभिन्न शाखाहरुबाट देशभर वित्तीय साक्षरता कार्यक्रम अभियान संचालनमा ल्याएको हो । सोमबार र मंगलबारमात्र संस्थाले कपिलबस्तु जिल्लाको इमिलिया र लबनी शाखाद्वा १०० बढी सदस्य तथा चितवनको माडि शाखाद्वारा ७० भन्दा बढी सदस्यलाई वित्तीय साक्षरता कार्यक्रम सम्पन्न गरेको छ ।

इमिलिया र लबनी शाखामा आयोजित कार्यक्रममा संस्थाका १४ नं. कलस्टर प्रमुख चक्र केसीले संस्थाको परिचय सहित बर्तमान अवस्था, समसामयिक समस्याहरु र समाधानका उपायका बारेमा चर्चा गर्दै वित्तीय संस्थाको आगामी रणनीतिको सम्बन्धमा प्रकाश पारेका थिए । कार्यक्रमको उदेश्यमाथी प्रकाश पार्दै विभिन्न अराजक समूहका गतिविधि तथा बजार हल्लाको पछि नलाग्न, कर्जा सदुपयोग गरी आर्थिक उपार्जन गर्न र बित्तीय अनुसाशन कायम राख्न सुझाव दिए । संस्थाले वित्तीय साक्षरता कार्यक्रममा बचत, आम्दानी र खर्चको सन्तुलन, आवश्यकताका प्राथमिकता निर्धारण, कर्जाको सदुपयोग, बिमाको महत्व र जोखिम व्यवस्थापनबारे सहभागीहरूलाई संस्थाको कलस्टर प्रमुखद्वारा प्रशिक्षण गर्ने गरेको छ ।

राष्ट्र बैंकले जारी गरेको वित्तीय साक्षरता मार्गदर्शन, २०७८ मा समेत रहि संस्थाका देशैभरीका १८ कलस्टर अन्र्तगत १३५ शाखाहरुमा त्रैमासिक रुपमा प्रथम चरणमा प्रति कलस्टर २ शाखाका दरले ३६ शाखा कार्यालयहरु मार्फत र चरणबद्ध रुपमा देशभरका १३५ शाखामा आवद्ध ग्राहक सदस्य संगै विद्यार्थी, युवा, मजदूर, कृषक, साना उद्यमी, महिला विप्रेषण प्रापक ग्राहकहरुलाई लक्षित गरी वित्तीय ज्ञान, सीप तथा बैंकिङ्ग आदत, वित्तीय अनुशासन, बचत, कर्जा व्यवस्थापन र जोखिम न्यूनीकरणका विषयमा सिकाउन उद्धेश्यले वित्तीय संचेतना कार्यक्रम सञ्चालन गर्ने लक्ष्य लिएको छ । हालसम्म संचालन भएका कार्यक्रमबाट यस त्रैमासमा देशभर ३ हजार बढी सदस्य तथा अभिभावक लाभान्वित भएका छन् ।

विजय लघुवित्त वित्तीय संस्था लिमिटेड प्रचलित कम्पनी ऐन वमोजिम नेपाल सरकार कम्पनी रजिष्ट्रारको कार्यालयमा दर्ता भई नेपाल राष्ट्र बैंकबाट वित्तीय कारोवार गर्न ईजाजत पत्र प्राप्त “घ” वर्गको राष्ट्रिय स्तरको लघुवित्त वित्तीय संस्था हो । यस वित्तीय संस्थाले देशभर ४५ जिल्लामा रहेका १३५ वटा शाखा र १८ कलष्टर कार्यालयहरु मार्फत करीव १ लाख ६० हजार भन्दा बढी विपन्न महिला सदस्यहरुलाई समूहमा आवद्ध गराई बचत, कर्जा, विप्रेषण, लघुबीमा लगायतका अत्यावश्यक बैकिङ÷वित्तीय सेवा प्रदान गर्ने कार्य गर्दै आइरहेको छ ।