रास्वपा सभापति रवि लामिछाने सांसद पदबाट निलम्बित
काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछाने सांसद पदबाट निलम्बित भएका छन्। संघीय संसद् सचिवालयले एक सूचना जारी गर्दै लामिछानेको निलम्बनको जानकारी गराएको हो।
सूचनामा भनिएको छ कि ‘‘सम्पत्ति शुद्धिकरण (मनी लाउन्डरिङ) निवारण ऐन, २०६४ को दफा २७ अनुसार थुनामा रहेका व्यक्तिहरू र उनीहरूको माथि दफा २२ बमोजिम मुद्दा दायर भएको व्यक्तिलाई सो मुद्दाको किनारा नभएसम्म निलम्बन गरिएको मानिने व्यवस्था गरिएको छ।’’
यस सूचना जारी गरेर संसद् सचिवालयले उक्त कानुनी व्यवस्थाको पालनका लागि निलम्बनको प्रक्रिया लागू गरेको जनाएको छ।
