धनगढीको शहीद गेटका पसलमा आगलागी हुँदा झण्डै डेढ करोडको क्षति
काठमाडौं । धनगढीको शहीद गेटमा रहेको चारवटा पसलमा आइतबार साँझ आगलागी हुँदा झन्डै डेढ करोड रुपैयाँ बराबरको क्षति भएको छ।
समीर मोबाइल ग्यालरीबाट सुरु भएको आगो अन्य तीन पसलमा फैलिँदा क्षति भएको हो। जिल्ला प्रहरी कार्यालय कैलालीका अनुसार विद्युतको तार सर्ट भएर आगो लागेका थियो।
उक्त आगो धनगढी उपमहानगरपालिकाका दुईवटा दमकलले राति नै नियन्त्रणमा लिएको प्रहरीले जनाएको छ।
आगलागीबाट समीर मोबाइल ग्यालरीमा ९ देखि १० लाख रुपैयाँ, श्रीकृष्ण इन्टरप्राइजेजमा एक करोडभन्दा बढी, अर्जुन आर्ट्समा ८ देखि ९ लाख र लभली टेलरमा ४ देखि ५ लाख रुपैयाँ बराबरको क्षति भएको प्रारम्भिक अनुमान छ।
