नोभेम्बरमा ऐतिहासिक सफलता: नेपालमा पर्यटक आगमन १० लाख नाघ्यो
काठमाडौँ । नोभेम्बर २०२४ मा नेपालको पर्यटन क्षेत्रले ऐतिहासिक सफलता हासिल गरेको छ। यो महिनामा मात्र १ लाख १४ हजार ५०१ पर्यटक नेपाल आएका छन्, जुन २०२३ को तुलनामा ५.४ प्रतिशतले वृद्धि भएको हो। यस उपलब्धिले २०१९ को महामारीपूर्वको अवस्थासँग तुलना गर्दा ८७.८७ प्रतिशत पुनःस्थापना भएको संकेत गर्छ।
यो उपलब्धिसँगै जनवरीदेखि नोभेम्बर २०२४ सम्म कुल पर्यटक आगमनको संख्या १० लाख ५५ हजार ५३३ पुगेको छ, जुन २०१९ को १० लाख ९६ हजार ३२५ को तुलनामा ९६ प्रतिशत पुनःस्थापनालाई झल्काउँछ।
पर्यटन क्षेत्रले यस सफलतामा शीर्ष १० पर्यटक स्रोत मुलुकको ठूलो योगदान रहेको देखिन्छ। भारत, अमेरिका, र चीन क्रमशः १७.४%, ९.६%, र ८.३% हिस्सा राख्दै प्रमुख स्रोत देशहरू बनेका छन्। अन्य देशहरूमा संयुक्त अधिराज्य, बंगलादेश, अष्ट्रेलिया, थाईल्यान्ड, श्रीलंका, जर्मनी, र फ्रान्स प्रमुख स्थानमा छन्।
यो प्रगति नेपालको पर्यटन क्षेत्रको स्थिर पुनःस्थापनाको प्रमाण हो। पर्यटन विज्ञहरूले भनेका छन् कि महामारी पछिको यो सुधारले नेपालको अर्थतन्त्र र रोजगारीमा सकारात्मक प्रभाव पार्नेछ। तर, यसलाई अझ प्रभावकारी बनाउन सरकार र निजी क्षेत्रले थप नीति र प्रवर्द्धनात्मक कार्यक्रमहरूको आवश्यकता रहेको बताएका छन्।
यो सफलता नेपाललाई विश्व पर्यटन नक्शामा थप उचाइमा पुर्याउने दिशामा महत्वपूर्ण कदम सावित भएको छ।
