लुम्बिनीमा प्रभु महालक्ष्मी लाइफको ‘लिडर्स मिट’ कार्यक्रम भव्य रुपमा सम्पन्न
काठमाडौँ । प्रभु महालक्ष्मी लाइफ इन्स्योरेन्सको लुम्बिनी प्रदेशस्तरीय ‘लिडर्स मिट’ कार्यक्रम भव्य रुपमा सम्पन्न भएको छ । अभिकर्ता तथा कर्मचारीहरुको क्षमता अभिबृद्धि गर्ने उद्देश्यले आयोजित उक्त कार्यक्रम मंसिर १५ गते अर्थात शनीवार रुपन्देही, बुटवलमा रहेको होटल पल्म इन्टरनेशनलमा भव्य रुपले सम्पन्न गरेको हो ।
कार्यक्रमलाई सम्बोधन गर्दै कम्पनी डेपुटी नेशनल हेड टिका दत्त प्याकुरेलले लुम्बिनी क्षेत्रका सम्पूर्ण कर्मचारी तथा अभिकर्ताहरुलाई धन्यवाद ज्ञापन गरेका छन् । त्यस्तै, नेपाली कलाकारिता क्षेत्रका चर्चित हास्य कलाकार तथा प्रभु महालक्ष्मी लाइफका ब्राण्ड एम्बेस्डर मनोज गजुरेलले आफ्नो प्रस्तुतीबाट उपस्थिती कर्मचारी तथा अभिकर्ताहरुलाई मनोरन्जन गराएका थिए ।
कार्यक्रममा कम्पनी डेपुटी नेशनल हेड टिका दत्त प्याकुरेल, तालिम तथा विकास विभाग प्रमुख योगेन्द्र खतिवडा, कम्पनीका ब्रान्ड एम्बास्डर तथा हास्य कलाकार मनोज गजुरेल, लुम्विनि क्षेत्रीय प्रमुख कृष्ण प्रसाद पोख्रेल लगायतको सो क्षेत्रका कर्मचारी तथा अभिकर्ताहरुको उपस्थिती रहेको थियो ।
