मंगलबार फेरि घट्यो सुनको मूल्य, अब प्रतितोला कति ?
काठमाडौँ । आज पनि सुनको मूल्य ओरालो लागेको छ । सोमबार एकै दिन तोलामा १५ हजार ९०० रुपैयाँले घटेको सुन आज भने तोलामा दुई हजार ६०० रुपैयाँले घटेको हो ।
नेपाल सुनचाँदी ब्यवसायी महासंघका अनुसार आज सुनको मूल्य प्रतितोला एक लाख ४८ हजार ७०० रुपैयाँमा कारोबार भइरहेको छ ।
यता, चाँदीको मूल्य तोलामा २५ रुपैयाँले घटेको छ । चाँदी प्रतितोला एक हजार ८२० रुपैयाँमा कारोबार भइरहेको हो ।
