मर्जरपछि वित्तीय सूचकहरुमा कुन जीवन बीमा कम्पनी कति अब्बल ? (तथ्याङ्क सहित)

काठमाडौँ । सञ्चालनमा रहेका १४ जीवन बीमा कम्पनीहरुले चालु आर्थिक वर्षको प्रथम त्रैमाससम्मको अपरिष्कृत वित्तीय विवरण सार्वजनिक गरिसकेका छन् । जसमा अधिकांश कम्पनीहरुले मुनाफा, बीमा शुल्क आर्जन लगायतका वित्तीय सूचांकहरुमा सामान्य ग्रोथ गर्न सफल भएका छन् ।

केही वर्षघिदेखि जीवन बीमा क्षेत्रमा सुरु भएको मर्जर नीतिले तत्कालिन समयका नौ वटा जीवन बीमा कम्पनीहरु मर्ज भई चार वटा बनेका छन् । जसमा सूर्यज्योति, सानिमा रिलायन्स, हिमालयन र प्रभु महालक्ष्मी लाइफ रहेका छन् । मर्ज भएका कम्पनीहरुको प्रथम त्रैमासिक वित्तीय विवरण अनुसार अधिकांशको मुनाफा, बीमा शुल्क आर्जन बढेतापनि कुल दावी भुक्तानीमा चाँही सामान्य गिरावट आएको छ ।

मर्ज भएका चार वटै जीवन बीमा कम्पनीहरुले आफ्नो जीवन बीमा कोषको आकार पाँच प्रतिशतदेखि ४५ प्रतिशतसम्म बढाएका छन् । साथै, गत आवको सोही अवधिको तुलनामा बोनश शेयर वितरण गरेसँगै प्रभु महालक्ष्मी लाइफ र सानिमा रिलायन्स लाइफको चुक्ता पूँजी बृद्धि भएको छ ।

त्यस्तै, कुल बीमा शुल्क आर्जनमा हिमालयन लाइफ इन्स्योरेन्स बाहेक अन्य तीन वटा कम्पनीको सामान्य अंकले बृद्धि भएको छ । गत आवको सोही अवधिको तुलनामा सूर्यज्योति लाइफ इन्स्योरेन्स बाहेक सबै कम्पनीको कुल बीमा दावी भुक्तानीमा गिरावट आएको छ ।

मर्ज भएका ४ जीवन बीमा कम्पनीको वित्तीय अवस्था कस्तो रहेको छ ?

सूर्यज्योति लाइफ इन्स्योरेन्स

सूर्यज्योति लाइफ इन्स्योरेन्सले प्रकाशित गरेको वित्तीय विवरण अनुसार जीवन बीमा कोष, कुल बीमा शुल्क आर्जन, कुल दावी भुक्तानी, मुनाफा लगायतका सूचकमा उल्लेख्य बृद्धि भएको छ ।

यस अवधिमा कम्पनीको जीवन बीमा कोषको आकार गत आर्थिक वर्षको तुलनामा २२ प्रतिशतले बढेर २९ अर्ब ४७ करोड रुपैयाँबाट ३६ अर्ब चार करोड ८९ लाख रुपैयाँ सञ्चिती भएको छ । कम्पनीले जीवन बीमा कोषको आकार बृद्धि गरेसँगै बीमितहरु थ्प सुरक्षित रहेका छन् ।

त्यस्तै, कम्पनीको कुल बीमा शुल्क आर्जन पनि ८.४६ अंकले बृद्धि भएर दुई अर्ब ४९ करोड ९४ लाख रुपैयाँ पुगेको छ । कम्पनीले आफ्ना अभिकर्ताहरुलाई सक्रिय र व्यवस्थापकीय पक्षमा सुधार गर्दा कुल बीमा शुल्क आर्जनमा समान्य बृद्धि गर्न सफल भएका छन् ।

सूर्यज्योति लाइफ इन्स्योरेन्सले कुल बीमा दावी भुक्तानीलाई पनि बृद्धि गरेको छ । गत आर्थिक वर्षको तुलनामा कम्पनीको दावी भुक्तानी ३५ प्रतिशतले बृद्धि भई ५२ करोड रुपैयाँबाट ७० करोड ७४ लाख रुपैयाँ पुगेको छ ।

कम्पनीको मुनाफा पनि समान्य अंकले बढेको छ । यस अवधिमा कम्पनीको मुनाफा २.५ अंकले बढेर ११ करोड २५ लाख रुपैयाँबाट ११ करोड ५३ लाख रुपैयाँ रहेको छ । समग्र रुपमा सूर्यज्योति लाइफ इन्स्योरेन्सको व्यवसाय सन्तोषजनक रहेको छ ।

कम्पनीहरुले प्रकाशित गरेको चालु आवको प्रथम त्रैमासिक वित्तीय विवरणको आधारमा तयार पारिएको,

सानिमा रिलायन्स लाइफ इन्स्योरेन्स

यस अवधिमा कम्पनीको जीवन बीमा कोष, मुनाफा, कुल बीमा शुल्क आर्जन, लगानी, व्याज आम्दानी, प्रति शेयर आम्दानी लगायतका वित्तीय सूचांकहरुमा सामान्य बृद्धि भएको छ ।

कम्पनीको जीवन बीमा कोषको आकार गत आवको सोही अवधिको तुलनामा ८.६३ प्रतिशतले बृद्धि भएको छ । कम्पनीको उक्त कोषमा १६ अर्ब ०६ करोड ६० लाख रुपैयाँ सञ्चिती रहेको छ ।

साथै, कम्पनीको व्यवसाय पनि ३.२७ प्रतिशतले बढेर एक अर्ब ५१ करोड रुपैयाँबाट एक अर्ब ५६ करोड रुपैयाँ पुगेको छ । व्यवसायमा निरन्तर वृद्धिले सानिमा रिलायन्सलाई बलियो र दिर्घकालिन कम्पनीका रुपमा हेर्न सकिने वित्तीय विवरणले देखाएको छ ।

यस अवधिमा कम्पनीको मुनाफा १९ प्रतिशतले बढेर १३ करोड २९ लाख रुपैयाँ रहेको छ । कम्पनीले आफ्नो चुक्ता पूँजीलाई पनि १८.३८ प्रतिशतले बढाएको छ ।

सानिमा रिलायन्स लाइफ इन्स्योरेन्सको प्रतिशेयर आम्दानी १ रुपैयाँ ३२ पैसाले बढेर १० रुपैयाँ ७४ पैसा रहेको छ ।

कम्पनीहरुले प्रकाशित गरेको चालु आवको प्रथम त्रैमासिक वित्तीय विवरणको आधारमा तयार पारिएको,

हिमालयन लाइफ इन्स्योरेन्स

साविकका तीन जीवन बीमा कम्पनीहरु मर्जर भएर बनेको हिमालयन लाइफ इन्स्योरेन्स पनि सफलताको सिडी उक्लिरहेको छ । यस अवधिसम्म कम्पनी ६७ अर्ब ९० करोड रुपैयाँको बीमा कोष सञ्चिती गर्दै अगाडि बढिरहेको छ ।

तीन महिनाको अवधिमा कम्पनीको लगानी ६.३५ प्रतिशतले बढेर ६९ अर्ब ५३ करोड रुपैयाँ रहेको छ । कम्पनीले आफ्ना बीमितहरुलाई दिदैँ आएको ऋण सुविधा पनि बृद्धि गरेको छ ।

कम्पनीको कुल बीमा शुल्क आर्जन, दावी भुक्तानी र अभिकर्ता कमिसन सामान्य अंकले घट्न पुगेको छ । यस अवधिमा कम्पनीको प्रतिशेयर आम्दानी १२.६६ रुपैयाँ रहेको छ ।

कम्पनीहरुले प्रकाशित गरेको चालु आवको प्रथम त्रैमासिक वित्तीय विवरणको आधारमा तयार पारिएको,

प्रभु महालक्ष्मी लाइफ इन्स्योरेन्स

प्रभु महालक्ष्मी लाइफले पनि जीवन बीमा कोषको आकार बृद्धि गरेको छ । यस अवधिमा कम्पनीको बीमा कोषको आकार ४५.७७ प्रतिशतले बढेर १० अर्ब ९९ लाख रुपैयाँ सञ्चिती रहेको छ ।

कम्पनीको चुक्ता पूँजी पनि १० प्रतिशतले बृद्धि भई चार अर्ब ७२ करोड रुपैयाँ रहेको छ । कम्पनीले जगेडा कोषको आकार चाँही ३४ प्रतिशतले घटाएको छ ।

समीक्षा अवधिमा कम्पनीको व्यवसाय पनि गत आर्थिक वर्षको तुलनामा सामान्य अंकले बढेको छ । यस अवधिमा कम्पनीको व्यवसाय ४.८३ प्रतिशतले बढेर एक अर्ब २० करोड रुपैयाँ पुगेको छ ।

कम्पनीको कुल दावी भुक्तानी चाँही दोहोरो अंकले घटेको छ । कम्पनीको दावी भुक्तानी ३३ प्रतिशतले घटेर ३२ करोड ३५ लाख रुपैयाँमा सीमित बनेको छ ।

चालु आर्थिक वर्षको तीन महिनामा कम्पनीको मुनाफा २५ प्रतिशतले बृद्धि भएर १० करोड तीन लाख रुपैयाँबाट १२ करोड ६२ लाख रुपैयाँ पुगेको छ ।
प्रति शेयर आम्दानी पनि एक रुपैयाँ ३४ पैसाले बढेर १० रुपैयाँ ६९ पैसा रहेको छ ।

कम्पनीहरुले प्रकाशित गरेको चालु आवको प्रथम त्रैमासिक वित्तीय विवरणको आधारमा तयार पारिएको,