आईजिआई प्रुडेन्सियल इन्स्योरेन्स कीर्तिपुर शाखाका म्यानेजर ताम्रकारको दुर्घटनामा निधन
काठमाडौं । आइएमई प्रुडेन्सियल इन्स्योरेन्सका कीर्तिपुर शाखाका ब्रान्च म्यानेन्जर निश्चल ताम्राकारको स्कुटर दुर्घटनाबाट कारण निधन भएको छ ।
ब्रान्च म्यानेजर ताम्रकार काठमाडौं महानगरपालिका–३२ नरेफाँटबाट ललितपुर इमाडोलतर्फ बा६५प ३४३३ नम्बरको स्कुटरमा जाने क्रममा हिजो सोमबार राति अनियन्त्रित भई दुर्घटना भएको थियो । सो क्रममा स्कुटर चलाइरहेका शाखा प्रमुख ताम्रकारको निधन भएको हो ।
घाइते अवस्थाका ताम्रकारलाई सिभिल अस्पताल पुर्याएको थियो । उनको सोही अस्पतालमा निधन भएको हो । ४७ बर्षिय ताम्रकार नेशनल इन्स्योरेन्स, सगरमाथा इन्स्योरेन्स सहित बीमा क्षेत्रमा करिब दुई दशकभन्दा बढि समय बिताएका थिए । स्व. ताम्रकारका दुई छोरी र श्रीमती छन् । ताम्रकारको आजै पशुपति आर्यघातमा अन्तिम संस्कार गरिएको छ ।
आइजिआई प्रुडेन्सियल इन्स्योरेन्स कम्पनीमा २०७७ साल चैत्र ३१ गतेदेखि कम्पनीमा आबद्ध भएका ताम्रकार पछिल्लो समय कीर्तिपुरस्थित शाखा कार्यालयमा कार्यरत रहेका थिए । सो क्षेत्रमा बीमा व्यवसाय विस्तार सक्रिय उनको निधनमा कम्पनीका सहकर्मीहरु शोकमा परेका छन् ।
