बागलुङमा पिकअप भ्यान दुर्घटना, पाँच जनाको मृत्यु
काठमाडौं । बागलुङको जैमिनी नगरपालिका–८ छिस्तीबाट बागलुङ बजारतर्फ आउँदै गरेको पिकअप भ्यान दुर्घटनामा ५ जनाको मृत्यु भएको छ। दुर्घटना जैमिनी–७ जैदीको व्यार्थला नजिकै बिहान भएको हो।
ग२च ९२४७ नम्बरको उक्त पिकअप भ्यान सडकबाट करिब एकसय मिटर तल खसेको थियो। प्रहरीले उक्त दुर्घटनामा परि चालकसहित ५ जनाको मृत्यु भएको जानकारी दिएको छ।
दुर्घटनामा ज्यान गुमाउने व्यक्तिहरूको पहिचान खुल्न बाँकी रहेको बताइएको छ। भ्यानमा सवार एक जनालाई जीवितै उद्धार गरिएको प्रहरीले जनाएको छ।
