मकवानपुरका शिक्षकमाथि अज्ञात समूहद्वारा गोली प्रहार
काठमाडौँ । मकवानपुरका एक जना शिक्षकमाथि सिन्धुलीको हरिहरपुरगढीमा गोलि प्रहार भएको छ । मकवानपुर जिल्लाको बकैया गाउँपालिका वडा न. ३ हातिसुडेमा रहेको श्री बुद्ध माध्यमिक विद्यालयका प्रधानाध्यापक प्रेम बहादुर बोम्जनमाथि ३ जनाको अज्ञात समूहले गोलि प्रहार गरेको हो ।
बागमती गाउँपालिका वडा न.१ निवासी बोम्जनको बिरगंजमा उपचार भइरहेको छ । अज्ञात ३ जनाको समूहले मोटरसाइकल चलाएर हिँडिरहेको अवस्थामा बोम्जनलाई रोकेर नल कटुवा बन्दुकले गोली प्रहार गरेको हो ।
हेल्मेटको दाहिनेतर्फबाट प्रहार भएको गोलीले गाला छेडेर दाँत (बंगारा) मा अड्किएको जनाइएको छ । गोलि प्रहार गरेर फरार ब्यक्तिको खोजि कार्य जारी रहेको प्रहरीले जनाएको छ ।
