चाबहिलस्थित काठ गोदाममा आगलागी, लाखौँको क्षति
काठमाडौँ । काठमाडौँको चाबहिलमा रहेको एक इन्टेरियर गोदाममा आगलागी हुँदा लाखौँको क्षति भएको छ । आइतबार मध्यान्ह चाबहिलको सरस्वतीनगरस्थित इन्टेरियर गोदाममा आगो लागेको हो ।
आगलागीका कारण गोदाममा रहेको फर्निचर, सजावटका सामाग्री, विद्युतीय सामाग्री, प्लाई लगाएका सामाग्री जलेर नष्ट भएको छ भने आगलागीले वरपरका अन्य घरहरूमा समेत केहि क्षति पुराएको छ ।
आगलागी भएपछि सेना, प्रहरी, सशस्त्र प्रहरी लगायत उपत्यकाका तीनै जिल्लाका वारुणयन्त्रको सहायताले करिब दुई घण्टापछि नियन्त्रणमा लिएको थियो ।
