भोलि देशभर सार्वजनिक बिदा
काठमाडौँ । भोलि अर्थात् कात्तिक २२ गते देशभर सार्वजनिक बिदा हुने भएको छ । छठ पर्वको अवसरमा बिदा हुने भएको हो ।
बिदासँगै सरकारी कार्यालय, बैंक तथा वित्तीय संस्था र शेयर बजार समेत बन्द हुनेछ । छठमा अस्ताउँदो सूर्यलाई अर्घ्य दिइएको छ। बर्तालुहरूले जलाशयमा पुगेर अस्ताउँदो सूर्यको आराधना गरेका छन्।
छठमा सूर्यदेवको उपासना गरिन्छ। निर्जल र निराहार व्रत बसेका बर्तालुहरूले अस्ताउँदो सूर्यलाई अर्घ्य दिएका हुन्।
अर्घ्य दिँदै गर्दा बर्तालुहरूले सूर्यलाई आफ्नो मनोकाङ्क्षा सुनाउँछन् र पूरा गरिदिन आग्रह गर्छन्। यस दिनलार्ई ‘सौँझकारक’ पनि भनिन्छ।
