स्व. श्रवण रावलको १३ औं पुण्य तिथिमा स्मृति सभा सम्पन्न
काठमाडौं । युनाईटेड अजोड इन्स्योरेन्सका सिईओ स्व. श्रवणकुमार रावलको आज १३ औँ पुण्यतिथि सम्बन्धी काजकिरिया आज सम्पन्न भएको छ ।
हिन्दू मान्यता अनुसार १३ औं दिनको काम मंगलबार सम्पन्न गरिएको हो । उनको काजकिरिया उनका छोराले गरेका थिए । तेह्रौं पुण्य तिथिमा रावलको निवासमा श्रद्धाञ्जली गरिएको थियो । स्व. रावलको श्रद्धान्जली सभामा उनका आफन्त र बीमाकर्मीहरुको उपस्थिती रहेको थियो ।
उनीहरुले रावलको सादा जीवन र बीमा क्षेत्रमा पुर्याएको योगदान तथा निष्ठाबारे उपस्थित बीमाकर्मीले स्मरण गर्दै दिवगंत आत्माको चीर शान्तिको कामना समेत गरे ।
स्व. रावलको गत कात्तिक ८ गते बिहीबार बिहान हृदयघात भई उपचारका क्रममा निधन भएको थियो ।
यसैबीच, नेपालमा क्रियाशिल बीमाकर्मीहरुको संस्था नेपाल इन्स्योरेन्स प्रोफेशनल सोसाइटीले पनि स्व. रावलको निधनमा श्रद्धान्जली अर्पण गरेको छ ।
