विन नेपाल लघुवित्तको शेयरमूल्यमा सकारात्मक सर्किट, अन्य कुनको कति रुपैयाँले बढ्यो ?
काठमाडौँ । साता कारोबारको दोस्रो दिन अर्थात सोमबार पनि शेयर बजार उच्च अंकले घटेको छ । नेप्से परिसूचक आज ५७.९९ अंकले घटेर २६३९.९२ को विन्दुमा कायम भएको छ ।
शेयर बजार घटेसँगै आइतबारको तुलनामा कारोबार रकम पनि घटेको छ । सोमबार कारोबार भएका २३ वटा कम्पनीको मात्र शेयरमूल्य वृद्धि भएको छ ।
विन नेपाल लघुवित्तको शेयरमूल्यमा सकारात्मक सर्किट लागेको छ । कम्पनीको शेयरमूल्य आज प्रतिकित्ता २६० रुपैयाँले बढेर २८६६ रुपैयाँ पुगेको छ ।
त्यस्तै, कर्पोरेट डेभलपमेन्ट बैंक, कालिका लघुवित्त, पिपल्स हाइड्रोपावर, मानुषी लघुवित्त लगायतको शेयरमूल्य बृद्धि भएको छ ।
