सपोर्ट लघुवित्तद्वारा १४.५० प्रतिशत लाभांश घोषणा
काठमाडौं । सपोर्ट लघुवित्त वित्तीय संस्था लिमिटेडले आफ्ना शेयरधनीहरूलाई १४.५० प्रतिशत लाभांश वितरण गर्ने घोषणा गरेको छ ।
लघुवित्तको कात्तिक ४ गते बसेको सञ्चालक समितिको बैठकले गत आर्थिक वर्षको वितरण योग्य मुनाफा समेतबाट शेयरधनीहरूलाई चुक्ता पूँजीको १३.७७५ प्रतिशत बोनस शेयर र ०.७२५ प्रतिशत नगद लाभांश (कर प्रयोजनार्थ) गरी कुल १४.५० प्रतिशत लाभांश वितरण गर्ने निर्णय गरेको हो ।
घोषित लाभांश नियामक निकाय नेपाल राष्ट्र बैंकबाट स्वीकृत भई कम्पनीको आगामी दशौं वार्षिक साधारण सभाले पारित गरेपश्चात् शेयरधनीहरूमा वितरण हुनेछ ।
