सगरमाथा जलविद्युत् कम्पनीको वित्तीय स्थितिमा गिरावटः इक्रा नेपालको निगरानी सूचीमा

काठमाडौं । सगरमाथा जलविद्युत् कम्पनी लिमिटेडको वित्तीय अवस्था र वर्तमान चुनौतीलाई मध्यनजर गर्दै इक्रा नेपालले कम्पनीको रेटिङलाई विकासोन्मुख निहितार्थसहितको निगरानीमा राखेको छ। कम्पनीको इश्युअर रेटिङलाई [ICRANP-IR] BBB- र दीर्घकालीन कर्जालाई [ICRANP] LBBB- को रेटिङ दिएको हो।

सगरमाथा जलविद्युत् कम्पनीले ९.६ मेगावाट क्षमताको सुपर माई-ए जलविद्युत् आयोजना सञ्चालन गर्दै आएको छ। उक्त आयोजना इलाम जिल्लामा सञ्चालित छ र २०२० जुन १४ देखि व्यावसायिक उत्पादन गर्दै आएको हो। आयोजना रन अफ द रिभर प्रकारको हो र ४० प्रतिशत सम्भावित प्रवाहमा निर्माण गरिएको छ। यो आयोजना निर्धारित वाणिज्यिक सञ्चालन मिति भन्दा सात महिना पहिला सम्पन्न भएको थियो। कुल १ अर्ब ७७ करोड ५० लाख रुपैयाँको लागतमा ७५ः२५ को ऋण-इक्विटी अनुपातमा आयोजना निर्माण गरिएको हो।

कम्पनीको आर्थिक वर्ष २०२१ देखि २०२३ सम्मको वित्तीय विवरणहरूलाई हेर्दा, कम्पनीको सञ्चालन आयमा केही उतार(चढाव आएको देखिन्छ। वित्तीय वर्ष २०२१ मा कम्पनीको सञ्चालन आय २२८ मिलियन रुपैयाँ थियो भने २०२३ मा २५५ मिलियन रुपैयाँमा पुगेको छ। साथै, सञ्चालन मुनाफा ९इएद्यम्क्ष्त्ब्० मा कमी आएको देखिन्छ, जसले गर्दा कम्पनीको मुनाफा प्रतिशत ८३.५ प्रतिशतमा झरेको छ।

कम्पनीको वित्तीय ऋणको अवस्था हेर्दा, २०२१ मा कम्पनीको ऋण-ट्यान्जिबल नेट वर्थ अनुपात २.६ गुणा रहेको थियो भने २०२४ को अन्तिम नव महिना अवधिमा यो अनुपात घटेर ०.९ गुणामा आएको छ। यस्तै, कर्जा सेवा क्षमता अनुपात २०२३ मा १.३ गुणा रहेको देखिन्छ, जसले कम्पनीलाई आफ्नो कर्जालाई व्यवस्थापन गर्न केही चुनौतीहरू देखा परेको संकेत गर्दछ।

कम्पनीको शेयर संरचना अनुसार, सगरमाथा जलविद्युत् कम्पनीको चुक्ता पुँजी १.१२ अर्ब रुपैयाँ रहेको छ, जसमा ५१ प्रतिशत प्रवर्द्धक र ४९ प्रतिशत सर्वसाधारणको हिस्सा रहेको छ। प्रमुख प्रवर्द्धकहरूमा एनगाडी ग्रुप पावर लिमिटेडसँग ३१ प्रतिशत हिस्सा, राजेन्द्र गौतमसँग १० प्रतिशत हिस्सा र श्रीजेश गुरागाईंसँग ३ प्रतिशत हिस्सा रहेको छ।

इक्रा नेपालले कम्पनीको वित्तीय अवस्थालाई मध्यनजर गर्दै विकासोन्मुख निहितार्थसहितको निगरानीुमा राखेको छ, जसले कम्पनीको भविष्यमा थप परिवर्तनहरू वा सुधारहरूको अपेक्षा गर्न सकिन्छ।