दशैँअघि सुनको भाउ निरन्तर घट्दै, कति छ तोलाको ?
दशैँअघि सुनको भाउ निरन्तर घट्दो क्रममा देखिएको छ। विगत दुई दिनदेखि घट्दै आएको सुनको भाउ मंगलबार पनि तोलामा ४०० रुपैयाँले घटेको छ।
नेपाल सुनचाँदी व्यवसायी महासँघका अनुसार मंगलबार सुन प्रतितोला १ लाख ६० हजार १०० रुपैयाँमा खरिदबिक्री भइरहेको छ। सोमबार सुन प्रतितोला १ लाख ६० हजार ५०० रुपैयाँमा खरिदबिक्री भएको थियो।
यसैगरी मंगलबार चाँदी पनि तोलामा ४० रुपैयाँले घटेर प्रतितोला १ हजार ९४० रुपैयाँमा खरिदबिक्री भइरहेको महासँघले जनाएको छ। अघिल्लो दिन सोमबार चाँदी प्रतितोला १ हजार ९८० रुपैयाँमा खरिदबिक्री भएको थियो।
