सिईडिबि हाइड्रोपावरको आम्दानी घटेपनि लगानीमा उल्लेखनीय वृद्धि
काठमाडौँ । सिईडिबि हाइड्रोपावर डेभलपमेन्ट कम्पनी लिमिटेडले आफ्नो वित्तीय प्रदर्शनमा सुधार गर्दै गएको छ। २००९ मा स्थापित भएको यस कम्पनीले हालै सार्वजनिक गरेको रिपोर्ट अनुसार, यसको चुक्ता पूँजी २०२४ को मध्य जुलाईमा ९३१.७५ मिलियन पुगेको हो ।
वित्तीय वर्ष सन् २०२२ देखि २०२४ सम्मको अवधिमा कम्पनीको कुल सञ्चालन आम्दानीमा गिरावट आएको छ। सन् २०२२ मा १७ करोड ४० लाख रहेको आम्दानी मासन् २०२४ मा घटेर १३ करोड पुगेको छ। यद्यपि, कम्पनीले लगानीमा उल्लेखनीय वृद्धि गर्न सफल भएको छ सन् २०२२ मा ४४ करोड ९० लाख सन् २०२४ मा ७२ करोड ३० लाखमा पुगेको छ।
इक्रा रेटिङ नेपाल लिमिटेडले कम्पनीको रेटिङलाई ‘CARE-NP BBB- (Is)’ मा सुधार गरेको छ। यसले कम्पनीलाई मध्यम सुरक्षा स्तरको संकेत गर्दै, वित्तीय दायित्वहरू समयमै पूरा गर्ने क्षमतामा विश्वास व्यक्त गरेको छ।
कम्पनीको योजनाले दीर्घकालीन ऊर्जा सुरक्षा सुनिश्चित गर्नमा योगदान पुर्याउने अपेक्षा गरिएको छ। सिईडिबि हाइड्रोपावर विकास कम्पनीको भविष्यमा सफलताको यात्रा र जलविद्युत क्षेत्रको विकासमा महत्वपूर्ण भूमिका रहने विश्वास व्यक्त गरिएको छ।
