नयाँ रेकर्डबाट घट्यो सुनको मूल्य, अब कतिमा हुँदैछ कारोबार ?
काठमाडौँ । हालसम्मकै उच्च मूल्यबाट सुनको मूल्य घटेको छ । सुन आज तोलामा ६०० रुपैयाँले ओरालो लागेको हो ।
नेपाल सुनचाँदी ब्यवसायी महासंघका अनुसार आज सुन प्रतितोला एक लाख ६० हजार ६०० रुपैयाँमा कारोबार भइरहेकोछ । गत शुक्रबार भने सुन तोलामा एक लाख ६१ हजार २०० रुपैयाँमा कारोबार भइरहेको थियो ।
यता, चाँदीको मूल्य तोलामा १० रुपैयाँले घटेको छ । चाँदी प्रतितोला एक हजार ९४५ रुपैयाँमा कारोबार भइरहेको हो ।
