गोरखाबाट शुक्रबार छुटेको यात्रुबस झ्याप्लेखोला पहिरोमा परेको आशंका
काठमाडौं । गोरखाबाट काठमाडौँका लागि छुटेको यात्रुवाहक बस झ्याप्लेखोला पहिरोमा परेको आशंका गरिएको छ । शुक्रवार गोरखाको धार्चे गाउँपालिका लापुवेशीबाट काठमाडौंका लागि छुटेको ना ४ ख २२७० नम्वरको बस सम्पर्कविहीन भएको थियो । जिल्ला ट्राफिक कार्यालय गोरखाले दिएको जानकारी अनुसार बस मुग्लिनबाट पनि खानीखोलासम्म कटेको खबर आएको र त्यसपछि सम्पर्कविहीन भएको हो ।
झ्याप्लेखोला पहिरोमा परेका बसहरु निकाल्ने क्रम जारी रहेको र निकाल्न बाँकी रहेको एउटा अन्तिम बस सोही हो कि भन्ने आशंका गरिएको ट्राफिक प्रहरीले जनाएको छ । मुग्लिनसम्म बसमा चालकसहित ४ जना मात्रै यात्रु रहेको बताइएको छ ।
झ्याप्लेखोला पहिरोमा परेका बस
