भिषण बाढिपहिरोमा निधन हुनेको संख्या ११२ पुग्यो, ६८ जना अझै बेपत्ता, थप विवरण आउन बाँकी
काठमाडौं । गत शुक्रबार र शनिबार परेको अविरल वर्षासँगै आएको भिषण बाढि पहिरोमा परेर निधन हुनेको संख्या ११२ पुगेको छ । देशैभरि अझै ६८ जना हराइरहेका छन् । गृहमन्त्रालयले हिजो अपरान्हसम्मको विवरणमा भने ६८ जनाको मात्रै निधन भएको जनाएको छ ।
देशव्यापी रुपमा संकलन गरिएको तथ्याङ्क अनुसार करिब ३० वर्षपछि सबैभन्दा धेरै वर्षा भएको छ । त्यस्तै काठमाडौं उपत्यकामा ५४ वर्षपछि सबैभन्दा धेरै वर्षा भएको छ । उपत्यकामा मात्रै ६५० मिलिलिटर पानी परेको जनाइएको छ ।
देशव्यापी रुपमा आएको बाढी पहिलोमा परेर काभ्रेमा ३४, ललितपुर जिल्लामा २० जना, धादिङमा १५ जना, काठमाडौंमा १२ जना, भक्तपुरमा ५ जनाको निधन भएको छ । राजधानी उपत्यकामा तीन जिल्लामा मात्रै ३७ जनाको निधन भएको छ ।
त्यसैगरी, मकवानपुरमा ७ जनाको निधन भएको छ भने सिन्धुपाल्चोकमा ४, दोलखामा ३ जनाको निधन भएको छ । भिषण बाढीबाट सोलुखुम्बुमा २ जना, धनकुटामा २ जनाको निधन भएको छ । रामेछापमा १ जना, महोत्तरी, सुनसरीमा १ जना गरी कूल ११२ जनाको निधन भएको विवरण प्राप्त भएको छ ।
सोही क्षेत्रमा हालसम्म ६८ जना बेपत्ता भएको खवर प्राप्त भएको छ । यद्यपि सञ्चार सम्पर्कमा आएको कठिनाई तथा अविरल वर्षाका कारण विद्युत आपूर्तिमा समस्या भएकोले अझै कतिपय क्षेत्रमा भएको मानवीय क्षतिको विवरण आउन बाँकी छ ।
