प्रतिकूल मौसमका कारण हवाई उडान प्रभावित, आन्तरिक उडानमा अवरोध
काठमाडौँ । खराब मौसमका कारण हवाई उडान प्रभावित भएको छ। त्रिभुवन अन्तरराष्ट्रिय विमानस्थलबाट हुने आन्तरिक उडानहरू प्रतिकूल मौसमका कारण ठप्प भएका हुन्।
काठमाडौँ विमानस्थलमा भिजुअल फ्लाइट रुल्स लागू भए पनि विराटनगर र सिमरा जस्ता अन्य गन्तव्यका उडान प्रभावित भएका छन्। बुद्ध एअरका अनुसार, मौसममा आएको खराबी र कम भिजिविलिटीका कारण आजका उडानहरू प्रभावित भएका हुन्।
धनगढी, नेपालगञ्ज र भैरहवा जस्ता पश्चिमका गन्तव्यहरूमा भने उडानहरू सुचारु रहेको भए पनि अन्य स्थानहरूमा उडान गर्न समस्या भइरहेको छ। विमानस्थल प्रशासनका अनुसार ‘इनरुट वेदर’ बिग्रिएकोले केही विमानस्थलमा हवाई सेवाहरू जारी रहँदा माउनटेन फ्लाइटहरू रद्द गरिएको छ।
