सिमलतालबाट फेरि त्रिशूलीमा गाडी खस्यो
चितवन । मुग्लिन-नारायणगढ सडकखण्डस्थित सिमलतालबाट फेरि त्रिशूली किनारमा गाडी खसेको छ । जिल्ला प्रहरी कार्यालय चितवनका सूचना अधिकारी डीएसपी भेषराज रिजालका अनुसार ना ६ ख ६२८३ नम्बरको ट्रक त्रिशूली नदी किनारमा खसेको हो ।
ट्रक त्रिशूली नदी मै पुग्नबाट भने जोगिएको छ । यसअघि, असार २८ गते सिमलतालबाटै दुईवटा बस त्रिशूली नदीमा खसेका थिए । बसका ६२ जना यात्रुहरुमध्ये २४ जनाको मात्र शव भेटिएको थियो ।
भारतीय गोताखोरको टोली परिचालन गरी खोजी गरिएपनि सबैलाई भेटाउन नसकिएपछि खोज्न बन्द गरिएको थियो ।
