लक्ष्मी क्यापिटलको रेटिङ रद्द
काठमाडौँ । लक्ष्मी क्यापिटल मार्केट लिमिटेडको (एलसीएमएल) कोष व्यवस्थापन गुणस्तर रेटिङ रद्द गरिएको छ । इक्रा नेपालले लक्ष्मी क्यापिटल मार्केट लिमिटेडलाई दिइएको आईसीआरए एनपी एसेट म्यानेजमेन्ट कम्पनी क्वालिटी थ्री प्लस रेटिङ रद्द गरेको हो ।
रेटिङ रद्द गर्ने निर्णय कम्पनीको अनुरोधपछि सार्वजनिक गरिएका क्रेडिट रेटिङ नियमावली, २०११ का प्रावधान अनुसार गरिएको हो । लक्ष्मी क्यापिटल मार्केट लिमिटेडको सनराइज क्यापिटल लिमिटेडसँगको मर्जरपछि यो निर्णय गरिएको हो । रेटिङ पुनरावलोकन भएको समयदेखि क्रेडिट जोखिममा कुनै परिवर्तन भएको सूचना प्राप्त नभएको जनाइएको छ ।
रेटिङ रद्दको कारण कम्पनीको अनुरोधमा आधारित छ । रेटिङको निरन्तरता सुनिश्चित गर्नका लागि कम्पनीसँग जानकारीको खोजी गर्ने प्रयास गरेको थियो । तथापि, कम्पनीले रेटिङ निरन्तरता रोक्न आग्रह गरेपछि रेटिङ रद्द गरिएको हो ।
लक्ष्मी क्यापिटल मार्केट लिमिटेडको मर्जरपछि, कम्पनीले २०२३ जनवरी ८ देखि लक्ष्मी सनराइज क्यापिटल लिमिटेडको नाममा संयुक्त सञ्चालन थालेको छ ।
